လူမှုဆိုင်ရာ အခြေခံကိုယ်ကျင့်မူဘောင်
ကက်သလစ်ဘာသာဝင်တိုင်းသည်
နိုင်ငံသားတစ်ဦး၌ရှိအပ်သော တာဝန်အရ နိုင်ငံရေးတွင် တက်ကြွစွာ ပါဝင်ရမည်ဖြစ်သည်။ နိုင်ငံရေး
ဟုဆိုရာ၌ လူထုအရေး၊ နိုင်ငံသားများ၏ ကောင်းကျိုးအရေးကို လုပ်ဆောင်မည့် မည်သည့် နိုင်ငံရေး
ပုံစံမျိုးကိုမဆို ဆိုလိုသည်။ ကက်သလစ် ဘာသာဝင်ကောင်းတစ်ဦးသည် နိုင်ငံသားကောင်း တစ်ဦးမည်ပြီး လူသားများ၏ ကောင်းကျိုးအရေးအတွက် တစ်ထောင့် တစ်နေရာမှ ဖြည့်စွက် ပေးဆပ်တတ်ရပေမည်။ တာဝန်သိတတ်သော နိုင်ငံသားတစ်ဦး
ဖြစ်ခြင်းသည် ပါရမီတစ်ပါး ဖြစ်ပြီး နိုင်ငံ့အရေး သို့မဟုတ် လူထုအရေး သို့မဟုတ် လူသားကောင်းကျိုးအရေးတွင်
ပါဝင်လုပ်ဆောင်ရခြင်းသည် ကိုယ်ကျင့်တာဝန် တစ်ရပ်ဖြစ်ကြောင်း သာသနာတော်မှ သွန်သင်ထားပါသည်။
ထိုတာဝန်သည်
ဆေးကြောခြင်းမင်္ဂလာ ခံယူစဉ်က ခရစ်တော်နောက် ထပ်ချပ်မခွာ လိုက်၍ ခရစ်တော်တရားတော်ကို
သက်သေခံပါမည့် အကြောင်း ပြုခဲ့သောကတိသစ္စာတွင် အမြစ်တွယ်လာရပေသည်။ ကက်သလစ်သာသနာတော်၏ အယူဝါဒကျမ်းကြီးကလည်း အောက်ပါအတိုင်း
သွန်သင်ထားသည်။
အများကောင်းကျိုး မြှင့်တင်ရာတွင် မိမိတို့၏ အဆင့်နေရာ နှင့်ကဏ္ဍအလိုက် ပါဝင်ကြရန် လိုအပ်သည်။ ၎င်းတာဝန် ၀တ္တရားသည် လူသားတစ်ယောက်၏ လူ့ဂုဏ်သိက္ခာတွင် စွဲကပ်ပါလာသည့် တာဝန်ပင်ဖြစ်သည်။ …နိုင်ငံသားများသည် တတ်နိုင်သရွေ့ လူထုဘ၀အရေးတွင် တက်ကြွစွာ ပါဝင်ရမည် ဖြစ်သည်။ (နံ-၁၉၁၃-၁၉၁၅)
ပါတီနိုင်ငံရေး(
party politics)တွင် သော်လည်းကောင်း၊ လူထုနိုင်ငံရေး (general politics)တွင် သော်လည်းကောင်း
ကက်သလစ်ဘာသာဝင်တစ်ဦးသည် မည်သည့် ပုံစံမျိုးဖြင့် နိုင်ငံရေးတွင် ပါဝင်သည်ဖြစ်စေ လူမှုဘ၀
ကောင်းကျိုးကို မြှင့်တင်ရာ၌ မိမိတို့၏ ယုံကြည်မှုနှင့် ကိုက်ညီသည့် ကိုယ်ကျင့်စံနှုန်းများကို
အခြေခံထားရပေမည်။ ထိုစံနှုန်းများကို ကက်သလစ်သာသနာတော်အနေနှင့် လူမှုဆိုင်ရာသွန်သင်ချက်တွင်
ထည့်သွင်း သွန်သင်ပေးထားသည်။ ကိုယ်ကျင့်စံနှုန်းများ ပါဝင်သည့် လူမှုဆိုင်ရာသွန်သင်ချက်
တစ်ခုလုံး၏ အဓိကခေါင်းစည်းများမှာ အောက်ပါအတိုင်းဖြစ်သည်။
၁။ အသက်ရပိုင်ခွင့်နှင့်
လူသားတစ်ဦး၏ဂုဏ်သိက္ခာ
လူသားသည် မြင့်မြတ်သည့်
သတ္တ၀ါဖြစ်သည်။ လူ့အသက်သည်လည်း မြင့်မြတ် တန်ဖိုးကြီးပြီး အဖိုးမဖြတ်နိုင်ပေ။ ကိုယ့်ကျင့်တရားပြည့်ဝသည့်
လူ့ဘောင်တိုင်းအတွက် လူ့ဂုဏ်သိက္ခာသည် အခြေခံအုတ်မြစ် ဖြစ်သည်။ အပြစ်မဲ့သူ လူသားတစ်ယောက်၏
အသက်ကို မည်သည့်အရွယ်၊ မည်သည့်အခြေ အနေ ၌မဆို ရန်မူ တိုက်ခိုက်ခြင်းသည် မည်သို့မျှ လက်ခံနိုင်ဖွယ်ရာ မရှိပေ။ သန္ဓေသားမှသည်
နောက်ဆုံးထွက်သက်ချိန်အထိ လူသားတစ်ယောက်၏ လူ့ဂုဏ်သိက္ခာကို လေးစားရမည်ဖြစ်ပြီး လူ့အသက်ကို
ကာကွယ်မြှင့်တင် ပေးရမည် ဖြစ်သည်။ သန္ဓေသားဖျက်ခြင်းသည် လူ့အသက်ကို တိုက်ရိုက် ရန်မူတိုက်ခိုက်ခြင်းဖြစ်ပြီး
လူ့ဂုဏ်သိက္ခာကို မထီမဲ့မြင် ပြုရာရောက်သည်။ ထို့အပြင် လူ့ဘောင်တစ်ခုလုံးကိုလည်း ရန်မူနေခြင်း ဖြစ်သည်။
ရောဂါဝေဒနာ ခံစားနေရသူတစ်ဦးကို ဆေးအကူဖြင့် အဆုံးစီရင်စေခြင်းသည်လည်း လူ့အသက်ကို တိုက်ရိုက်
တိုက်ခိုက်နေခြင်းပင် ဖြစ်သည်။ လူ့ဂုဏ်သိက္ခာကို
လေးစားရမည် ဆိုသည့် သွန်သင်ချက်တွင် ညှဉ်းပမ်းနှိပ်စက်ခြင်း၊ မတရားစစ်မက်ပြုခြင်း၊
သေဒဏ်စီရင်ခြင်း၊ လူမျိုးရေးမုန်းတီးခြင်း တို့ကို ဆန့်ကျင်ရန်၊ လူမျိုးတုန်းသတ်ဖြတ်မှုနှင့်
စစ်ပွဲတွင် အပြစ်မဲ့သူများကို ရန်ပြုတိုက်ခိုက်မှု တို့ကို တားဆီးကာကွယ်ရန်နှင့် ဆင်းရဲမွဲတေမှုနှင့်
အတိဒုက္ခရောက်နေမှုများကို ကျော်လွှားရန် စသည့်တို့ ပါရှိသည်။ လူ့ဂုဏ်သိက္ခာကို ကာကွယ်မြှင့်တင်ရာတွင်
အတားအဆီး တစ်ခုဖြစ်သော လူမျိုးစုများအကြား၊ တိုင်းနိုင်ငံများအကြား ဖြစ်ပွားသော ပဋိပက္ခများကိုလည်း
ငြိမ်းချမ်းသော နည်းလမ်းဖြင့် အတတ်နိုင်ဆုံး အဖြေရှာပြီး လူသားအသက်ကို ထိခိုက်ပျက်စီးစေမည့်
လက်နက်ကိုင် ဖြေရှင်းမှုကို ပညာသတိဖြင့် နောက်ဆုံးထား ရွေးချယ်နိုင်ကြရမည် ဖြစ်သည်။
လူသားတိုင်းသည် ဘုရားသခင်၏ သားသမီးများ ဖြစ်ပြီး လူသားတိုင်း၏ အသက်ကို လေးစား ကာကွယ်
မြှင့်တင် ပေးရမည်ဖြစ်သည်။
၂။ မိသားစု၊
လူ့အဖွဲ့အစည်းနှင့် ပူးပေါင်း ဆောင်ရွက်ရေး
လူသည် လူမှုသတ္တ၀ါဖြစ်သည်။
လူသားတစ်ယောက်သည် အခြားသော လူသားများနှင့် ကူးလူးဆက်ဆံခြင်း၌သာ ဖွံ့ဖြိုးတိုးတက်နိုင်သည်။
အမျိုးသားတစ်ဦးနှင့် အမျိုးသမီးတစ်ဦးတို့ဖြင့် ဖြစ်တည်လာသော မိသားစုသည် လူ့အဖွဲ့အစည်းတိုင်း၏
အခြေခံသင်းပင်းမှုဖြစ်သည်။ ၎င်းင်းသည် သားသမီးများကို မွေးဖွားရာနှင့် ပြုစုပျိုးထောင်ရာ
သန့်ရှင်းသည့် ဘုံဌာနတစ်ခုဖြစ်သည်။ မိသားစုကို ကာကွယ်ပေးရမည်၊ မြှင့်တင်ပေးရမည်။ သန့်ရှင်းရာ
မိသားစု ဘုံဌာနကို လိင်တူ ထိမ်းမြားစေခြင်းဖြင့် စွန်းထင်း ပျက်စီးစေခြင်းမှ ကာကွယ်ရ
မည်။ မိသားစုအရေးကို လေးစားတန်ဖိုးထားသော စိတ်နေသဘောထားများ နိုင်ငံရေးမူဝါဒနှင့် လုပ်ဆောင်မှုများတွင်
စိမ့်ဝင်နိုင်ရမည်။ သားသမီးများကို ပြုစုပျိုးထောင်ရန်အတွက် မိဘများ၏ တာဝန်နှင့် အခွင့်အရေးများကို
ထောက်ပံ့ မြှင့်တင်ပေးရမည်။ စီးပွားရေး၊ နိုင်ငံရေး၊ ဥပဒေပြုရေး နှင့်မူဝါဒအရေးတို့ကို
မည်သို့ချမှတ် အကောင်အထည် ဖော်သည် ဆိုသည်က အများကောင်းကျိုးနှင့် နိုင်ငံသားတိုင်း
စွမ်းဆောင်နိုင်သမျှ အပြည့်အ၀ ပါဝင်နိုင်မှု တို့အပေါ် တိုက်ရိုက် အကျိုးသက်ရောက်မှု ရှိသည်။
မည်သို့သော အရေးကို ချမှတ် အကောင်အ ထည် ဖော်သည်ဖြစ်စေ နိုင်ငံသားတိုင်းနှင့် အဖွဲ့အစည်းတိုင်းကို
လူ့ဘောင်တည်ဆောက်မှုနှင့် လူသားကောင်းကျိုးမြှင့်တင်ပေးမှု တို့၌ ပူပေါင်းပါဝင်စေရမည်
ဖြစ်သည်။ ထောက်ပံ့ဖေးကူမှု စံနှုန်းမူအရ အဖွဲ့စည်းကြီးတစ်ခု (ဥပမာ နိုင်ငံတော်အစိုးရ)
သည် အဖွဲ့ငယ်တစ်ခု (ဥပမာ နိုင်ငံ့အကျိုးပြု ပုဂ္ဂလိကလူမှု အဖွဲ့အစည်း) အပေါ် လွှမ်းမိုး
ချယ်လှယ်ခြင်းမျိုး မရှိရပေ။ ထို့ထက် လူသားကောင်းကျိုးအတွက် ထိထိရောက်ရောက် ပါဝင် လုပ်ဆောင်နိုင်ရန်
ထိုအဖွဲ့စည်းငယ်များကို ထောက်ပံ့ပေး၍ လိုအပ်မှသာ (ဥပမာ လူ့ဂုဏ်သိက္ခာကို ထိပါးလာလျှင်၊
အများအကျိုးကို ထိခိုက်ပျက်စီး စေလျှင်) ၀င်ရောက်ထိန်းသိမ်းပေးရမည် ဖြစ်သည်။
၃။ အခွင့်အရေးနှင့်တာဝန်
လူ့အခွင့်အရေးကို
ကာကွယ်နိုင်ပေးနိုင်မှသာ လူ့ဂုဏ်သိက္ခာကို လေးစားနိုင်ကြ မည်ဖြစ်သည်။ ထို့အတူ အခြေခံ
တာဝန်ဝတ္တရားများကို လူသားတိုင်း ဖြည့်ဆည်း နိုင်ကြမှသာ အများကောင်းကျိုးကို မြှင့်တင်ပေးနိုင်ကြမည်
ဖြစ်သည်။ လူသားတိုင်း အသက်ရပိုင်ခွင့်၊ အသက်ရှင်ပိုင်ခွင့်ရှိသည်။ လူသားတစ်ယောက်အနေနှင့်
သိက္ခာရှိရှိ အသက်ရှင်နိုင်ရန် အခြေခံ စားရေး၊ ၀တ်ရေး၊နေရေး၊ ပညာရေးနှင့် ကျန်းမာရေး
တို့ကို ရပိုင်ခွင့်ရှိသည်။ ထို့အပြင် အလုပ်လုပ်ပိုင်ခွင့်နှင့် လွတ်လပ်စွာကိုးကွယ်ပိုင်ခွင့်လည်း
ရှိသည်။ ရပိုင်ခွင့်သည် တာဝန်ဝတ္တရားနှင့် ဒွန်တွဲနေသည်။ မိမိ၏ ရပိုင်ခွင့်ကို တောင်းဆိုခြင်း၌
တစ်ပါးသူ၏ ရပိုင်ခွင့်ကို လေးစား မြှင့်တင်ခြင်း တာဝန်လည်း ပါရှိသည်။ တာဝန်ဟု ဆိုရာမှာလည်း
တစ်ပါးသူအပေါ်၊ မိသားစုအပေါ်၊ လူ့ဘောင်အဖွဲ့အစည်းအပေါ်၊ တိုင်းနိုင်ငံအပေါ် ထားအပ်သော အများကောင်းကျိုး
ဖော်ဆောင်မည့် တာဝန် ၀တ္တရားများကို ဆိုလိုသည်။
၎။ ဆင်းရဲ ချို့တဲ့သူများနှင့်
အကာကွယ်မဲ့သူများကို ဦးစားပေးရေး
အများကောင်းကျိုး
ဟုဆိုရာ၌ လူသားအားလုံး၏ ကောင်းကျိုးကို ဆိုလိုခြင်းဖြစ်သည်။ သို့သော်လည်း အများကောင်းကျိုးကို
ဆောင်ရွက်ရာ၌ အလိုအပ်ဆုံးသော သူများ၊ ဆင်းရဲချို့တဲ့သူများ၊ အကာအကွယ်မဲ့သူများအတွက်
ဦးစားပေး လုပ်ဆောင်သင့်သည်။ အကာကွယ်မဲ့သူများနှင့် မိမိတို့အတွက်ရပ်တည်ပေးမည့်သူ မရှိသော
သူများအပေါ် မည်သို့ ပြုမူဆက်ဆံသည် ဆိုသည်က လူ့အဖွဲ့အစည်း တစ်ခု၏ ယဉ်ကျေးမှု မြင့်မားခြင်းကို
တိုင်းတာပေးသည်။ အသိမ်ငယ်ဆုံးသော သူတစ်ယောက်ကို မည်သို့ ဆက်ဆံသည်ကို ကြည့်၍ နောက်ဆုံးသော
နေ့ရက်၌ တရားစီရင် ခံရမည်ဖြစ်ကြောင်းကိုလည်း ကျမ်းစာတော်မြတ်က သွန်သင်ထားသည် (ညွှန်း-မာတေး
၂၅း၃၁-၄၆)။ အကာအကွယ်မဲ့သူများ ဟုဆိုရာ၌လည်း
မွေးဖွားလာမည့် ကလေးသူငယ်များ၊ မသန်စွမ်းသောသူများ၊ သက်ကြီးရွယ်အိုများ၊ နာတာရှည် ရောဂါသည်များနှင့်
မတရား အဖိနှိပ်ခံ လူသားများ အားလုံးပါဝင်သည်။
၅။ အလုပ်ဂုဏ်နှင့်
လုပ်သားများ၏ အခွင့်အရေး
စီးပွားရေးသည်
လူသားကို အစေခံရန်ဖြစ်သည်။ လူသားသည် စီးပွားရေးကို အစေခံရန်မဟုတ်ပေ။ တစ်နည်းအားဖြင့်
စီးပွားရေးသည် လူသားအတွက် ဖြစ်သည်။ လူသားသည် စီးပွားရေးအတွက် မဟုတ်ပေ။ အလုပ်သည် အသက်မွေးဝမ်းကျောင်း
တစ်ခုတည်းအတွက် မဟုတ်။ အလုပ်တိုင်းသည် လူသားဘ၀နှင့် လူ့ဂုဏ်သိက္ခာမြှင့်တင်ရေးတွင် ပါဝင်ဆောင်ရွက်နေခြင်း
ဖြစ်သည်။ အလုပ်သမားများသည် မိမိတို့၏ အလုပ်ဖြင့် အများကောင်းကျိုးကို ဖြည့်စွက်ထောက်ပံ့ပေးနေသူများ
ဖြစ်သည်။ ယင်းတို့သည် မျှတသည့်လုပ်အားခ၊ အကျိုးခံစားခွင့်နှင့်ပင်စင်စားနိုင်ခွင့်
ရှိရမည် ဖြစ်သည်။ ရွေ့ပြောင်း အလုပ်သမားများအတွက် တရားဝင်မှတ်ပုံတင်ပေးမှုနှင့် အလုပ်သမားများ
သမဂ္ဂဖွဲ့စည်းပိုင်ခွင့် ရှိစေရမည်။ အလုပ်သမားများအနေဖြင့်လည်း
မိမိတို့၏ အလုပ်ကို ပြီးမြောက်ဖြစ်ထွန်းစေမည့် တာဝန်သိ အလုပ်သမားများ ဖြစ်ရမည်။ လုပ်ခနှင့်
ထိုက်တန်သည့် ပေးဆပ်အစေခံမှုနှင့် လုပ်သားအချင်းချင်းအပေါ်မှာ သော်လည်းကောင်း၊ အလုပ်ရှင်ပေါ်မှာသော်လည်းကောင်း
အများကောင်းကျိုး ဖြစ်ထွန်းစေမည့် လေးစားမှုမျိုး ရှိရမည်။ အလုပ်သမားများနှင့် အလုပ်ရှင်များသည်
မိမိတို့၏ အကျိုးစီးပွားကိုသာ ကိုယ်ကျိုးဖက် ရှာဖွေနေသကဲ့သို့ မဟုတ်ဘဲ လူ့သားထုအကြား
တရားမျှတမှုဖြစ်ထွန်းရေးနှင့် လူသားအားလုံး ကောင်းကျိုးရေးအတွက် ရည်မှန်း လုပ်ဆောင်နေကြရမည်။
၆။ တစ်စိတ်တစ်ဝမ်းတည်း
ရှိရေး
မည်သည့်နိုင်ငံ၊
မည်သည့်လူမျိုး၊ မည်သည့် တိုင်းရင်းသား၊ မည်သည့် ဘာသာပင် ဖြစ်နေပါစေ လူသားအားလုံးသည်
လူသားမိသားစုဝင်များဖြစ်သည်။ မည်သည့် ကမ္ဘာ့ထောင့်နေရာမှာပင် ရှိစေကာမူ လူသားညီအစ်ကို
မောင်နှမအချင်းချင်း တစ်ဦးကိုတစ်ဦး စောင့်ရှောက်ကြရမည် ဖြစ်သည်။ ထို့ကြောင့် လူမျိုးရေးမုန်းတီးမှုနှင့်
ဘာသာရေးအစွန်းရောက်မှုတို့ကို တိုက်ဖျက်ကြရမည်။ အဆုံးစွန် ဆင်းရဲမွဲတေမှုကိုလည်း အတူတကွ
ကျော်လွှားနိုင်ကြရမည်။ တစ်စိတ်တစ်ဝမ်းတည်း ရှိခြင်းသည် စာနာထောက်ထားသည့် ခံစားချက်
ရှိနေရုံမျိုး မဟုတ်ပေ။ အများကောင်းကျိုး ဖြစ်ထွန်းလာရန် ကိုယ်ထိလက်ရောက် ထောက်ပံ့ ကူညီပေးခြင်း၊ စောင့်ရှောက်ပေးခြင်းမျိုးကို
ဆိုလိုသည်။ ခေါင်းပုံဖြတ် အမြတ်ထုတ်ရန်မဟုတ်၊ လူသားများအကြား တရားမျှတမှုကို ဖော်ဆောင်ပေးရန်ဖြစ်သည်။
တစ်စိတ်တစ်ဝမ်းတည်းရှိသည် ဟုဆိုရာ၌ အကြမ်းဖက်မှုနှင့် ပဋိပက္ခများကို အဆုံးသတ်စေ၍ လူသားအားလုံးကို
စည်းလုံးစေမည့် ငြိမ်းချမ်းရေးမျိုးကို ဖော်ဆောင် မြှင့်တင်ပေးမှုလည်း ပါဝင်သည်။
၇။ ဘုရားသခင်၏
ဖန်ဆင်းခံ အရာသတ္တ၀ါများကို ထိန်းသိမ်းစောင့်ရှောက်ရေး
ဖန်ဆင်းခံ အရာသတ္တ၀ါများကို
စောင့်ရှောက်ခြင်းဖြင့် ဖန်ဆင်းရှင်ကို လေးစားကြောင်း ပြသရပေသည်။ ကမ္ဘာမြေကြီးကို ထိန်းသိမ်းစောင့်ရှောက်ရခြင်းသည်
ယုံကြည်မှုမှပေးသော ကိုယ်ကျင့် တာဝန်တစ်ရပ်ဖြစ်သည်။ ကမ္ဘာမြေကြီးကို ထိန်းသိမ်းစောင့်ရှောက်ခြင်းဖြင့်
လူသားအားလုံးအတွက် လုံခြုံသော၊ တဟဇာတကျသော သဘာဝပတ်ဝန်းကျင်ကို ဖန်းတီးပေးစွမ်းနိုင်ကြရမည်။
သဘာဝ ပတ်ဝန်းကျင်ကို အံတု ဖျက်ဆီးခြင်းထက် သဘာဝ ပတ်ဝန်းကျင်နှင့် လိုက်လျောညီထွေ နေတတ်ရန်
ကြိုးစားနိုင်ကြရမည်။ သဘာဝသံယံဇာတများကိုလည်း အနာဂတ်လူသားမျိုးဆက်အတွက် တာဝန်သိသူပီပီ
ချွေတာသုံးစွဲနိုင်ကြရမည်။ အနာဂတ်မျိုးဆက်သစ်အတွက် သဘာဝပတ်ဝန်းကျင်နှင့် သဘာဝ သံယံဇာတများကို
တာဝန်သိစွာ ထိန်းသိမ်း သုံးစွဲတတ်ခြင်းသည် ဘိုးဘွားများအပေါ် တင်ကျန်ရှိသော ယနေ့အကြွေးများကို
ဆပ်ပေးနေခြင်းပင်ဖြစ်သည်။
ဖော်ပြပါ ခေါင်းစည်းအကြောင်းအရာများသည်
ကက်သလစ်သာသနာတော်၏ လူမှုဆိုင်ရာ သွန်သင်ချက်တွင် ပါရှိသော အဓိကခေါင်းစည်းများဖြစ်သည်။
ထိုခေါင်းစည်း အသီးသီးအောက်၌ လူမှုဆိုင်ရာ ကိုယ်ကျင့် စံနှုန်းများပါရှိသည် ( ကက်သလစ်သာသနာတော်၏
လူမှုဆိုင်ရာ သွန်သင်ချက် ပေါင်းချုပ် - Compendium of the Social Doctrine of the Church - စာအုပ်တွင် အကျယ်တ၀င့် လေ့လာနိုင်သည်)။
ထိုကိုယ်ကျင့်စံနှုန်းဘောင်အတွင်း၌ နိုင်ငံရေးတွင် အားကျိုးမာန်တက် ပါဝင်လုပ်ဆောင်ခြင်းဖြင့်
နိုင်ငံသားကောင်း ကက်သလစ်ဘာသာဝင်များ ဖြစ်လာနိုင်ကြရန် သာသနာတော်မှ မျှော်လင့်ထားပေသည်။
A.သက်ထွေးအောင်
